គេហទំព័រ អេអឹមអឹម ហតញូស្តិ៍ -->
សូមស្វាគមន៍ គេហទំព័រ អេអឹមអឹម ហតញូស្តិ៍ មានទទួលសេរវា ផ្សាយពាណិជ្ជកម្ម គ្រប់ប្រភេទ /
សូមស្វាគមន៍ www.ammhotnews.com / មានទទួលសេរវា ផ្សាយពាណិជ្ជកម្ម គ្រប់ប្រភេទ /

ឧបនាយករដ្ឋមន្ត្រី ហ៊ុន ម៉ានី ប្រកាសបញ្ចូលសមាជិកគណបក្ស និងប្រកាសតែងតាំងគណៈកម្មាធិការគណបក្សមូលដ្ឋាន គណៈកម្មាធិការសាខាបក្ស នៃគណៈកម្មាធិការគណបក្សក្រសួងមុខងារសាធារណៈ

ចំនួនអ្នកទស្សនា : Views

(ភ្នំពេញ)៖ លោក ហ៊ុន ម៉ានី ឧបនាយករដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មាធិការគណបក្សក្រសួងមុខងារសាធារណៈ នៅរសៀលថ្ងៃទី២១ ខែមិថុនា ឆ្នាំ២០២៤ បានអញ្ជើញជាអធិបតីក្នុងពិធីប្រកាសបញ្ចូលសមាជិកគណបក្ស និងប្រកាសតែងតាំងគណៈកម្មាធិការគណៈបក្សមូលដ្ឋាន គណៈកម្មាធិការសាខាបក្ស នៃគណៈកម្មាធិការគណបក្សក្រសួងមុខងារសាធារណៈ នៅសាលប្រជុំមន្ទីរគណបក្សរាជធានីភ្នំពេញ។

រដ្ឋមន្ត្រីក្រសួងព័ត៌មាន ស្នើរដ្ឋបាលរាជធានីខេត្ត រៀបចំដំណើរទស្សនកិច្ចរបស់អ្នកសារព័ត៌មានទៅកាន់មូលដ្ឋានខ្លួន ដើម្បីផ្សព្វផ្សាយពីការអភិវឌ្ឍនិងបញ្ហាប្រឈមនានា

ចំនួនអ្នកទស្សនា : Views

(ភ្នំពេញ)៖ លោក នេត្រ ភក្ត្រា រដ្ឋមន្ត្រីក្រសួងព័ត៌មាន បានស្នើរដ្ឋបាលរាជធានីខេត្ត តាមរយៈការសម្របសម្រួលរបស់មន្ទីរព័ត៌មានរាជធានីខេត្ត រៀបចំដំណើរទស្សនកិច្ចរបស់អ្នកសារព័ត៌មានទៅកាន់មូលដ្ឋាន ក្រុង ស្រុក ខណ្ឌ ដើម្បីឈ្វេងយល់ពីការអភិវឌ្ឍរីកចម្រើន និងបញ្ហាប្រឈមនានារបស់ខេត្តក្រុងស្រុកខណ្ឌ និងផ្សព្វផ្សាយដល់ពលរដ្ឋឱ្យបានយល់ដឹងនិងចូលរួមសហការ។

រដ្ឋមន្ត្រី ប៉េង ពោធិ៍នា អនុញ្ញាតឱ្យនាយកប្រចាំប្រទេសនៃក្រុមហ៊ុន Grab ចូលជួបសម្តែងការគួរសម និងជម្រាបលា

ចំនួនអ្នកទស្សនា : Views

(ភ្នំពេញ)៖ លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានអនុញ្ញាតឱ្យគណៈប្រតិភូក្រុមហ៊ុនហ្រ្គេប ខេមបូឌា (Grab) ដឹកនាំដោយលោក Corentin Rouxel នាយកប្រចាំប្រទេសនៃក្រុមហ៊ុនហ្រ្គេប ទទួលបន្ទុកកម្ពុជា និងមីយ៉ាន់ម៉ា ចូលជួបសម្តែងការគួរសម និងពិភាក្សាការងារ ដោយមានការចូលរួមពីសំណាក់លោក លោកស្រី ជាថ្នាក់ដឹកនាំ និងមន្ត្រីជំនាញ។

គោលបំណងចម្បងនៃជំនួបនារសៀលថ្ងៃទី១៩ ខែមិថុនា ឆ្នាំ២០២៤ គឺដើម្បីសម្តែងការគួរសម និងជម្រាបលាពីសំណាក់លោក Corentin Rouxel ដែលនឹងបញ្ចប់បេសកកម្មការងារនៅកម្ពុជា ក៏ដូចជាណែនាំនូវនាយកប្រចាំប្រទេសថ្មី គឺ លោក កាំង សុវណ្ណារ័ត្ន ដើម្បីបន្តពង្រឹង និងពង្រីកកិច្ចសហប្រតិបត្តិការនាពេលខាងមុខ។

ក្នុងជំនួបនេះ តំណាងក្រុមហ៊ុនបានថ្លែងអំណរគុណយ៉ាងជ្រាលជ្រៅចំពោះលោករដ្ឋមន្រ្តី សម្រាប់ការគាំទ្រដល់ក្រុមហ៊ុនហ្គ្រេប តាំងពីដើមមក ពិសេសលើការបណ្តុះបណ្តាល និងលើកកម្ពស់ការយល់ដឹងឱ្យកាន់តែស៊ីជម្រៅបន្ថែមទៀតអំពីការអនុវត្តច្បាប់ស្តីពីចរាចរណ៍ផ្លូវគោក និងវិធានសុវត្ថិភាពនានាដែលអ្នកប្រើប្រាស់ផ្លូវ និងអ្នកបើកបរគ្រប់រូប រួមទាំងភ្នាក់ងារបើកបររបស់ក្រុមហ៊ុនហ្រេ្គបត្រូវប្រកាន់ខ្ជាប់ ប្រកបដោយស្មារតីម្ចាស់ការ និងការទទួលខុសត្រូវខ្ពស់ សំដៅធានាឱ្យនូវសុខសុវត្ថិភាពរាល់ពេលធ្វើដំណើរនៅលើដងផ្លូវ។

ថ្លែងក្នុងជំនួបនេះលោករដ្ឋមន្ត្រី បានវាយតម្លៃខ្ពស់ចំពោះការចូលរួមរបស់ក្រុមហ៊ុនហ្រ្គេប ក្នុងការងារសុវត្ថិភាពចរាចរណ៍ផ្លូវគោកនាពេលកន្លងមក និងបានស្នើឱ្យក្រុមហ៊ុនបន្តការយកចិត្តទុកដាក់លើការបញ្ជ្រាបការយល់ដឹងអំពីច្បាប់ស្តីពីចរាចរណ៍ផ្លូវគោក សុវត្ថិភាពនៃការបើកបរទៅកាន់ភ្នាក់ងារបើកបររបស់ក្រុមហ៊ុន សំដៅរួមចំណែកកាត់បន្ថយឱ្យបានជាអតិបរមានូវបញ្ហាគ្រោះថ្នាក់ចរាចរណ៍នៅកម្ពុជា៕

អភិបាលខេត្តពោធិ៍សាត់ ចុះពិនិត្យប្រព័ន្ធធារាស្ត្រ និងអន្តរាគមន៍បើកទឹកទំនប់ទី៥ ជួយសង្គ្រោះស្រូវវស្សាដែលខ្វះខាតទឹកដើមរដូវនៅតំបន់មួយចំនួន ក្នុងស្រុកកណ្តៀង

ចំនួនអ្នកទស្សនា : Views

(ពោធិ៍សាត់)៖ លោក ខូយ រីដា អភិបាលខេត្តពោធិ៍សាត់ នាល្ងាចថ្ងៃទី១៨ ខែមិថុនា ឆ្នាំ២០២៤នេះ បានដឹកនាំក្រុមការងារមន្ទីរជំនាញ ចុះពិនិត្យប្រព័ន្ធធារាសាស្ត្រ ការបង្កបង្កើនផលស្រូវដើមរដូវ និងអន្តរាគមន៍បើកទឹកពីទំនប់ទី៥ ដើម្បីជួយសង្គ្រោះស្រូវវស្សាប្រជាកសិករ ដែលកំពុងជួបកង្វះខាតទឹក ខណៈដែរភ្លៀងធ្លាក់មិនគ្រប់គ្រាន់ នៅតំបន់មួយចំនួន ក្នុងឃុំស្យា ឃុំអន្លង់វិល និងឃុំកណ្តៀង ស្រុកកណ្តៀង ខេត្តពោធិ៍សាត់។

អភិបាលខេត្តកំពត៖ ការដោះស្រាយវិវាទ ប្រសិនបើយើងចង់បានតែឈ្នះ និងចាញ់ គឺមិនអាចដោះស្រាយបញ្ចប់នោះទេ

ចំនួនអ្នកទស្សនា : Views

(កំពត)៖ ថ្លែងទៅកាន់ប្រជាពលរដ្ឋក្នុងវេទិការដោះស្រាយវិវាទក្រៅប្រព័ន្ធតុលាការ នៅសាលមហាជនសាលាខេត្តកំពត នាថ្ងៃទី១៧ ខែមិថុនា ឆ្នាំ២០២៤នេះ លោក ម៉ៅ ធនិន អភិបាលខេត្តកំពត បានថ្លែងថា ការដោះស្រាយវិវាទប្រសិនបើយើងចង់បានតែការឈ្នះ និងចាញ់ គឺមិនអាចដោះស្រាយបញ្ចប់នោះទេ ចូរបើកចិត្តឱ្យទូលាយទទួលយកដើម្បីបញ្ចប់បញ្ហា។

លោកអភិបាលខេត្ត បន្តលើកឡើងទៀតថា ការបញ្ចប់វិវាទមួយទៅបាន គឺតម្រូវឱ្យមានការទទួលយកនូវការពិត អ្នកខុសគឺទទួលខុស អ្នកត្រូវគឺទទួលត្រូវ ដោយមិនមានការបំពានទៅលើអ្នកដទៃ យករបស់គេត្រូវឱ្យគេវិញ។ ការចង់ឈ្នះចង់ចាញ់រវាងគ្នានឹងគ្នា នឹងធ្វើឱ្យការសម្របសម្រួល និងដោះស្រាយក្រៅប្រព័ន្ធតុលាការ មិនអាចបញ្ចប់បាននោះទេ ដូច្នេះសូមបើកបេះដូង បើកចិត្តឱ្យទូលាយទទួលយកនូវការពិតអំពីខុស និងត្រូវ ហើយបញ្ហាវិវាទទាំងអស់ដែលត្រូវបានលើកយកមកដោះស្រាយ គឺត្រូវការចាំបាច់បំផុតនូវការចូលរួមទទួលយកនូវការពិត។ 

លោក ម៉ៅ ធនិន បានបន្តថា ប្រសិនបើយើងទាំងអស់គ្នា ដែលមានទំនាស់ ហើយគិតតែចង់យកឈ្នះ យកចាញ់ មិនគិតពីត្រូវឬខុសនោះ ការដោះស្រាយវិវាទនេះនឹងមិនទទួលបានជោគជ័យនោះទេ ដែលកត្តានេះ នឹងអូសបន្លាយពេលវេលា ហើយឆ្លងចូលទៅដល់ការដោះស្រាយនៅក្នុងប្រព័ន្ធតុលាការ ធ្វើឱ្យបងប្អូនពលរដ្ឋទាំងអស់ខាតបង់ពេលវេលា និងការចំណាយផងដែរ។

លោកអភិបាលខេត្ត ក៏បានស្នើដល់ប្រជាពលរដ្ឋក្នុងខេត្តកំពតទាំងអស់ ដែលមានទំនាស់ ឬវិវាទជាមួយគ្នាត្រូវបើកចិត្ត បើកបេះដូងឱ្យទូលាយ អធ្យាស្រ័យគ្នាទៅវិញទៅមក ប្រសិនបើអ្នកយករបស់គេ ត្រូវប្រគល់ឱ្យគេវិញ ព្រោះប្រសិនបើយើងយករបស់គេឈឺចាប់ ហើយបើគេយករបស់យើង ក៏យើងឈឺចាប់ដូចគ្នា យើងជាខ្មែរដូចគ្នា រស់រានមានជីវិតក្រោយថ្ងៃកំណើតទី២ គឺក្រោយថ្ងៃរំដោះ ៧មករា ឆ្នាំ១៩៧៩ ដូចគ្នា ដូច្នេះយើងត្រូវចេះស្រឡាញ់ និងយោគយល់គ្នា។

លោកអភិបាលខេត្ត បានគូសបញ្ជាក់ថា ក្រោមការដឹកនាំប្រកបដោយគតិបណ្ឌិត របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា សម្តេចបានគិតគូរជានិច្ចនូវរាល់សុខទុក្ខរបស់ប្រជាពលរដ្ឋ នៅគ្រប់មូលដ្ឋាន ដោយមិនប្រកាន់និន្ទាការនយោបាយ ពូជសាសន៍ ពណ៌សម្បុរនោះឡើយ ពិសេសសម្តេចតែងតែដាក់ចេញនូវគោលនយោបាយ និងយុទ្ធសាស្ត្រជាច្រើន ដើម្បីជួយដល់ប្រជាពលរដ្ឋដែលមានជីវភាពខ្វះខាត និងជួបការលំបាក។

ទន្ទឹមនឹងនោះ សម្តេចក៏បានបង្កើត និងរៀបចំឡើងនូវកិច្ចដំណើរការរបស់អាជ្ញាធរជាតិដោះស្រាយវិវាទក្រៅប្រព័ន្ធតុលាការ ដើម្បីរួមគ្នាដោះស្រាយបញ្ជប់វិវាទរបស់ពលរដ្ឋទាំងអស់នៅមូលដ្ឋាន ជៀសវាងការប្តឹងផ្តល់គ្នាទៅកាន់តុលាការ ដែលជាហេតុធ្វើឱ្យពលរដ្ឋខាតបង់ពេលវេលា ព្រោះសំណុំរឿងនៅតុលាការមានច្រើន ពិសេសនោះគឺការខាតបង់នូវធនធានថវិកា។

សូមបញ្ជាក់ថា ខេត្តកំពត ក្រោមការដឹកនាំរបស់លោក ម៉ៅ ធនិន អភិបាលខេត្តកំពត ក្នុងរយៈពេលជាង ២ឆ្នាំមកនេះ លោកអភិបាលខេត្ត បានធ្វើការដោះស្រាយវិវាទក្រៅប្រព័ន្ធតុលាការ បានប្រមាណជិត ៣ពាន់ករណី ដោយលោកអភិបាលខេត្ត បានចុះទៅកាន់មូលដ្ឋានក្រុង-ស្រុកទាំង៩ ក្នុងខេត្ត ធ្វើការដោះស្រាយដោយផ្ទាល់ ព្រមទាំងមានការចូលរួមពីអាជ្ញាធរ ចាស់ព្រឹទ្ធាចារ្យ មន្ទីរជំនាញពាក់ព័ន្ធ ហើយការដោះស្រាយត្រូវទទួលបានការសាទរ និងគាំទ្រយ៉ាងផុលផុសពីសំណាក់ប្រជាពលរដ្ឋនៅទូទាំងខេត្តផងដែរ៕

ប្រសាសន៍សំខាន់ៗរបស់ សម្តេចធិបតី ហ៊ុន ម៉ាណែត ឱកាសអញ្ជើញបើកការដ្ឋានសាងសង់ស្ពានអាកាសភ្លោះ នៅចំណុចប្រសព្វមហាវិថីសម្តេចតេជោ ហ៊ុន សែន និងផ្លូវជាតិលេខ២

ចំនួនអ្នកទស្សនា : Views

នៅព្រឹកថ្ងៃចន្ទ ១១កើត ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី​១៧ ខែមិថុនា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញជាអធិបតីភាពដ៏ខ្ពង់ខ្ពស់បើកការដ្ឋានសាងសង់ស្ពានអាកាសភ្លោះ ស្ថិតនៅចំណុច​ប្រសព្វមហាវិថីសម្តេចតេជោ ហ៊ុន សែន និងផ្លូវជាតិលេខ២ ព្រំប្រទល់រវាង​រាជធានី​ភ្នំពេញ និងខេត្តកណ្តាល។

ឧបនាយករដ្ឋមន្ត្រី ហង់ជួន ណារ៉ុន៖ ព្រះពុទ្ធសាសនាដើរតួនាទីយ៉ាងសំខាន់ ក្នុងការបណ្តុះបណ្តាលធនធានមនុស្ស ឱ្យទទួលបានទាំងចំណេះវិជ្ជា និងសីលធម៌

ចំនួនអ្នកទស្សនា : Views

POSTED Oលោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានថ្លែងបញ្ជាក់ថា ព្រះពុទ្ធសាសនាមានតួនាទីយ៉ាងសំខាន់នៅកម្ពុជា ព្រះពុទ្ធសាសនាមិនត្រឹមតែជាសាសនា របស់រដ្ឋនោះទេ ប៉ុន្តែព្រះពុទ្ធសាសនាបានដើរតួនាទីយ៉ាងសំខាន់នៅក្នុងការបណ្តុះបណ្តាលធនធានមនុស្សឱ្យទទួលបានទាំងចំណេះវិជ្ជា និងសីលធម៌។

លោកបណ្ឌិតសភាចារ្យ ហង់ជួន ណារ៉ុន បានលើកយ៉ាងដូចនេះនាព្រឹកថ្ងៃទី១៤ ខែមិថុនា ឆ្នាំ២០២៤នេះ នាឱកាសអញ្ជើញជាអធិបតីសម្ពោធដាក់ឱ្យប្រើប្រាស់ជាផ្លូវការបណ្ណាល័យមរតក ម៉ែន សាអ៊ុន ហង់ជួន ក្រពើហា នៃពុទ្ធិកវិទ្យាល័យ ប៊ុនរ៉ានី ហ៊ុនសែន ក្រពើហា ស្ថិតនៅក្នុងវត្តក្រពើហា ក្រុងតាខ្មៅ ខេត្តកណ្តាល។

ពិធិនេះក៏មានការចូលរួមពីលោក គង់ សោភ័ណ្ឌ អភិបាលខេត្តកណ្តាល, សម្តេចព្រះឧត្តមមុនី ជា សំអាង ព្រះអគ្គាធិការរងនៃអគ្គាធិការដ្ឋានពុទ្ធិកសិក្សាជាតិ និងជាព្រះវិមលវេទី មេគណខេត្តកណ្តាល, ព្រះសិរីវិសុទ្ធិបណ្ឌិត វ័ន្ត វណ្ណោ ព្រះនាយកពុទ្ធិកវិទ្យាល័យ ប៊ុនរ៉ានី ហ៊ុនសែន ក្រពើហា និងមានលោក លោកស្រី លោកប្រធានមន្ទីរ ឧទ្ទេសាចារ្យ ធម្មាចារ្យ លោកគ្រូ អ្នកគ្រូ ជាច្រើនទៀតផងដែរ។

លោកឧបនាយករដ្ឋមន្ត្រី ហង់ជួន ណារ៉ុន បានដូចនេះថា «ព្រះពុទ្ធសាសនាមានតួនាទីយ៉ាងសំខាន់នៅក្នុងព្រះរាជាណាចក្រកម្ពុជា ព្រះពុទ្ធសាសនាមិនត្រឹមតែជាសាសនារបស់រដ្ឋនោះទេ ប៉ុន្តែព្រះពុទ្ធសាសនា បានដើរតួនាទីយ៉ាងសំខាន់នៅក្នុងការបណ្តុះបណ្តាលធនធានមនុស្សឱ្យទទួលបានទាំងវិជ្ជាសម្បទា បំនិនសម្បទា ចរិយាសម្បទា និងសីលធម៍ ដើម្បីឱ្យប្រជាជនកម្ពុជារស់នៅក្នុងសុខសន្តិភាព និងនៅក្នុងព្រះធម៍»។

លោកឧបនាយករដ្ឋមន្ត្រី ហង់ជួន ណារ៉ុន បានបន្ថែមថា ព្រះពុទ្ធសាសនាគឺជាសាសនាមួយដែលទ្រទ្រង់ឱ្យកម្ពុជា និងទ្រទ្រង់ឱ្យប្រព័ន្ធអប់រំនៅកម្ពុជា ដែលក្នុងមានដូចជា សាលារៀន វត្តអារាម គឺជាកន្លែងដែលបណ្តុះបណ្តាល ធនធានមនុស្ស ដើម្បីអភិវឌ្ឍន៍ប្រទេស និងដើម្បីគ្រប់គ្រងប្រទេស។

បន្ថែមពីនេះដែរ លោកឧបនាយករដ្ឋមន្ត្រី ហង់ជួន ណារ៉ុន បានសង្ឃឹមដែរថា តាមរយៈបណ្ណាល័យនេះនឹងចូលរួមចំណែកដល់សមណៈសិស្សនៅក្នុងការសិក្សារៀនសូត្រ ដើម្បីបង្កើននូវចំណេះវិជ្ជា ទាំងខាងផ្នែកពុទ្ធសាសនា និងខាងផ្នែកអាណាចក្រផងដែរ។

បើតាមព្រះសិរីវិសុទ្ធិបណ្ឌិត វ័ន្ត វណ្ណោ បានមានសង្ឃដីការឱ្យដឹងថា បណ្ណាល័យ មរតក ម៉ែន សាអ៊ុន ហង់ជួន ក្រពើហា ដែលបានសម្ពោធឱ្យប្រើប្រាស់ជាផ្លូវការនាពេលនេះ គឺទទួលបានការឧបត្ថម្ភទាំងស្រុងពីសំណាក់ លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី និងជារដ្ឋមន្ត្រីក្រសួងអប់រំ យុវជន និងកីឡា និងលោកស្រី ព្រមទាំងបុត្រ។

ព្រះសិរីវិសុទ្ធិបណ្ឌិត វ័ន្ត វណ្ណោ បានបន្ថែមថា ក្រោយពីទទួលបានការជួសជុលកែលម្អសារជាថ្មីឡើងវិញរួចរាល់ ១០០% លោកបណ្ឌិតសភាចារ្យ ក៏បានចាត់មន្ត្រីនាំយកសៀវភៅ និងសម្ភារៈសម្រាប់ដាក់ក្នុងបណ្ណាល័យរួមមាន៖ ១៖ កុំព្យូទ័រចំនួន ៤គ្រឿង ២៖ សៀវភៅមេរៀនចំនួន ២.២០៥ក្បាល ៣៖ សៀវភៅចំណេះដឹងទូទៅនិងភាសាអន្តរជាតិ ចំនួន ២.៥០៩ក្បាល ៤៖ សៀវភៅច្បាប់ផ្សេងៗចំនួន ៥៩០ក្បាល ៥៖ ព្រះត្រៃបិដកនិងកម្ពុជសូរិយាចំនួន ១ឈុត ៦៖ សៀវភៅធម៌ផ្សេងៗចំនួន ១.៨៩០ក្បាល ៧៖ កាម៉េរ៉ាសុវត្ថិភាព ចំនួន ១ឈុត (៣ គ្រាប់) និងស្លាយ (LED) ចំនួន ២ឈុតផងដែរ៕