ក្រសួងព័ត៌មាន ក្រុមហ៊ុន One Road Group និងមូលនិធិសប្បុរសធម៌ វ័នរ៉ូដ នៃប្រទេសចិន រួមគ្នាធ្វើសកម្មភាពមនុស្សធម៌

 

(ភ្នំពេញ)៖ លោក នេត្រ ភក្ត្រា រដ្ឋមន្ត្រីក្រសួងព័ត៌មាន សហការជាមួយ ក្រុមហ៊ុន One Road Group និងមូលនិធិសប្បុរសធម៌ វ័នរ៉ូដ នៃប្រទេសចិន ដើម្បីរួមគ្នាធ្វើសកម្មភាពមនុស្សធម៍តាមរយៈការចែកកាតាប និងសម្ភារៈសិក្សាជូនដល់សិស្សដែលខ្វះខាត, ពិនិត្យព្យាបាលជំងឺ និងចែកវែនតាម្ញូបជូនដល់ប្រជាពលរដ្ឋក្នុងមូលដ្ឋានខេត្តក្រចេះ ដោយឥតគិតថ្លៃ។

ជាមួយនេះដែរ ក្រសួងព័ត៌មាន និង ក្រុមហ៊ុន One Road Group ត្រៀមរៀបចំកម្មវិធីប្រកួតកីឡាបាល់ទាល់មិត្តភាពនៅខេត្តក្រចេះ ក្នុងគោលបំណងដើម្បីឲ្យយុវជនជៀសឆ្ងាយពីគ្រឿងញៀន មកលេងកីឡាដើម្បីមានសុខល្អ តាមរយៈទិសស្លោក «ប្រជាជនម្នាក់ កីឡាមួយមុខ» និង «លេងកីឡា ដើម្បីជៀសឆ្ងាយពីគ្រឿងញៀន»។

កិច្ចសហការក្នុងភាពជាដៃគូរសម្រាប់សកម្មភាពមនុស្សធម៍ និងការលេងកីឡាឃ្លាតឆ្ងាយពីការប្រើប្រាស់គ្រឿងញៀនរបស់យុវជននេះ បានធ្វើឡើងក្នុងឱកាស រដ្ឋមន្រ្តីក្រសួងព័ត៌មាន ទទួលពិភាក្សាការងារជាមួយ លោក Kevin Lou នាយកប្រតិបត្តិ និងជាស្ថានិកក្រុមហ៊ុន One Road Group ព្រមទាំងជាប្រធានមូលនិធិសប្បុរសធម៌ វ័នរ៉ូដ ប្រទេសចិន នៅរសៀលថ្ងៃទី០១ ខែកក្កដា ឆ្នាំ២០២៤ ។

រដ្ឋមន្ត្រី នេត្រ ភក្ត្រា ប្រធានគណៈកម្មការទទួលបន្ទុកផ្សព្វផ្សាយអប់រំ នៃគណៈបញ្ជាការយុទ្ធនាការប្រយុទ្ធប្រឆាំងគ្រឿងញៀន បានជម្រាបជូនពីគម្រោងក្នុងការរៀបចំកម្មវិធីប្រកួតកីឡាបាល់ទាត់យុវជនក្នុងខេត្តក្រចេះ ក្នុងគោលបំណងលើកតម្កើងវិស័យកីឡាឱ្យរីកចម្រើន បណ្ដុះស្មារតីជំរុញចលនាមហាជនទូទៅឱ្យលេងកីឡា ដើម្បីជៀសឆ្ងាយពីគ្រឿងញៀន និងលេងកីឡាដើម្បីសុខភាព។

លោក នេត្រ ភក្ត្រា ក៏បានជម្រាបជូនពីគម្រោងចុះធ្វើការពិនិត្យព្យាបាល និងថែទាំសុខភាពជូនប្រជាជនដោយឥតគិតថ្លៃ នៅតាមមូលដ្ឋានខេត្តក្រចេះ និងពិនិត្យភ្នែកដើម្បីចែកជូនវៀនតាម្ញូប ផងដែរ ។

នៅក្នុងឱកាសនេះដែរ លោក នេត្រ ភក្ត្រា បានសំដែងនូវការអរគុណដល់ ក្រុមហ៊ុន Great Wall Motor (GWM) លក់រថយន្តរបស់ប្រទេសចិន និងអង្គការមូលនិធិសប្បុរសធម៌ វ័នរ៉ូដ ដែលបានផ្តល់កាតាប កូនសិស្សចំនួនជាង ១ ០០០ និងសម្ភារៈសិក្សា ដើម្បីចែកជូនដល់កូនៗរបស់មន្ត្រីរាជការក្រសួងព័ត៌មាន កាលថ្ងៃទិវាកុមារអន្តរជាតិ១ មិថុនា កន្លងទៅនេះ ហើយសម្ភារៈដែលនៅសល់ នឹងយកទៅចែកដល់សិស្សានុសិស្សមានការខ្វះខាតនៅមូលដ្ឋានខេត្តក្រចេះ។

លោក Kevin Lou បានបញ្ជាក់ជូនពីជំហរក្នុងការធ្វើកិច្ចសហការជាមួយក្រសួងព័ត៌មាន ដើម្បីធ្វើសកម្មភាពមនុស្សធម៍នានា ដែលក្រសួងបានធ្វើកន្លងមក និងទិសដៅបន្តទៅមុខទៀត៕

(សូមអានបន្ត)

ប្រសាសន៍សំខាន់ៗរបស់ សម្តេចធិបតី ហ៊ុន ម៉ាណែត ឱកាសអញ្ជើញលែងកូនត្រី ១.៥លានក្បាល ចូលបឹងធំក្នុងស្រុកព្រៃឈរ

(កំពង់ចាម)៖ នៅព្រឹកថ្ងៃចន្ទ ១០រោច ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១ ខែកក្កដា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា អញ្ជើញជាអធិបតីប្រារព្ធពិធីអបអរសាទរទិវាមច្ឆជាតិ ១ កក្កដា លើកទី១៩ ព្រមទាំងលែងត្រី ១.៥លានក្បាលចូលទៅក្នុងបឹងធំ ដែលជាបឹងធម្មជាតិដ៏ធំ ស្ថិតក្នុងភូមិកំពង់សំណាញ់ ឃុំមៀន ស្រុកព្រៃឈរ ខេត្តកំពង់ចាម។

(សូមអានបន្ត)

សម្តេចក្រឡាហោម ស ខេង៖ យើងគប្បីនៅចាំគោលការណ៍ជាមូលដ្ឋានរបស់គណបក្សប្រជាជនកម្ពុជា គឺធ្វើអំពើល្អ, ធ្វើអំពើល្អ នឹងទទួលបាននូវការគាំទ្រ ផ្តល់យុត្តិធម៌ពិតប្រាកដពីអ្នកបោះឆ្នោត និងពីប្រជាពលរដ្ឋ

សម្តេចក្រឡាហោម ស ខេង អនុប្រធានគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តបាត់ដំបង នាព្រឹកថ្ងៃទី២៨ ខែមិថុនា ឆ្នាំ២០២៤ បានអញ្ជើញជាអធិបតីភាព ក្នុងពិធីអបអរសាទរខួបទី៧៣ ថ្ងៃបង្កើតគណបក្សប្រជាជនកម្ពុជានៅខេត្តបាត់ដំបង។

ពិធីនេះ បានធ្វើឡើងនៅសាលមជ្ឈមណ្ឌលសុភមង្គលក្រុងបាត់ដំបង និងការអញ្ជើញចូលរួមពីលោក សុខ លូ សមាជិកគណៈកម្មាធិការកណ្តាលគណបក្សប្រជាជនកម្ពុជា ជាប្រធានគណ:កម្មាធិការ គណបក្សប្រជាជនកម្ពុជា ខេត្តបាត់ដំបង, ប្រធានក្រុមការងារបក្សចុះមូលដ្ឋានក្រុងស្រុក ឃុំ សង្កាត់ សមាជិក សមាជិកាបក្ស ក្នុងខេត្តទាំងអស់អញ្ជើញចូលរួមមាន ជិត៣ពាន់នាក់។

សម្តេចក្រឡាហោម ស ខេង អញ្ជើញមានប្រសាសន៍ក្នុងឱកាសដ៏ថ្លៃថ្លានោះ ដោយបានសម្តែងនូវការអរគុណ និងកោតសរសើរចំពោះអស់លោក លោកស្រី ថ្នាក់ដឹកនាំក្រុមការងារគណបក្សគ្រប់ថ្នាក់ ដែលបានខិតខំប្រឹងប្រែង យកអស់ស្មារតីទទួលខុសត្រូវ ហើយសម្រេចបានជោគជ័យយ៉ាងត្រជះត្រចង់ ក្នុងការបោះឆ្នោតចុងក្រោយទាំង ២លើក ការបោះឆ្នោតជ្រើសតាំងសមាជិកព្រឹទ្ធសភា និងការបោះឆ្នោតជ្រើសតាំងសមាជិកក្រុមប្រឹក្សាខេត្ត ក្រុង ស្រុក ខណ្ឌ នៃខេត្តបាត់ដំបងរបស់យើង។

សម្តេចបានបន្តថា «យើងគប្បីនៅចាំគោលការណ៍ ជាមូលដ្ឋានរបស់គណបក្សយើង គឺធ្វើអំពើល្អ។ ធ្វើអំពើល្អ នឹងទទួលបាននូវការគាំទ្រ ផ្តល់យុត្តិធម៌ពិតប្រាកដពីអ្នកបោះឆ្នោត និងពីប្រជាពលរដ្ឋ»។

សម្តេចបានបន្ថែមថា «យើងបានអំណាចហើយ យើងមិនត្រូវមានមោទនភាព ធ្វើសកម្មភាពផ្តេសផ្តាសដោយមិនទទួលខុសត្រូវនោះទេ។ សម្រាប់ការងារគណបក្ស ក្រៅពីអ្វីដែលមាននៅក្នុងសុន្ទរកថានេះ សម្តេចបានស្នើថា គណបក្សត្រូវតែរៀបចំពិនិត្យឡើងវិញ នូវអង្គការចាត់តាំងរបស់គណបក្សរបស់យើង មិនមែនកែសម្រួលរចនាសម្ព័នទេ គឺអំពីសមាសភាព ហើយត្រូវអ្នកមានសមត្ថភាព និងឆន្ទៈដើម្បីធ្វើការងារ។ ត្រូវធ្វើបច្ចុប្បន្នភាពចំពោះ សមាជិកគណបក្ស»។

សម្តេចបានគូសបញ្ជាក់ថា បញ្ហាជាក់ស្តែងដែលត្រូវយកចិត្តទុកដាក់នៅនឹងមូលដ្ឋានរបស់យើងសព្វថ្ងៃនេះ ក៏ដូចជាកន្លងមកដែរ និងបន្តទៅមុខទៀតជារួមយើងបន្តគាំទ្រ នូវកម្មវិធីនយោបាយ និងគោលការណ៍នានារបស់ រាជរដ្ឋាភិបាល អាណត្តិទី៧ នៃរដ្ឋសភា។ ប៉ុន្តែរឿងជាក់ស្តែងនៅមូលដ្ឋាន គឺការបន្តអនុវត្តកំណែទម្រង់ ដែលរដ្ឋាភិបាលបានកំណត់ហើយ គឺកំណែទម្រង់លើគ្រប់វិស័យ។ ហើយកំណែទម្រង់ថ្នាក់ក្រោមជាតិនេះ នៅតែមានសារៈសំខាន់ និងមិនអាចបោះបង់ចោលបាន។ យើងត្រូវខិតខំបន្តអនុវត្តនូវតួនាទីភារកិច្ច សិទ្ធិអំណាចទាំងឡាយដែលថ្នាក់ជាតិបានផ្ទេរមកឱ្យ។

សម្តេចបានសង្កត់ធ្ងន់ថា ការអនុវត្តគោលនយោបាយ ភូមិ ឃុំ សង្កាត់ មានសុវត្ថិភាព គឺនៅតែជាកិច្ចការប្រចាំថ្ងៃរបស់យើង ធ្វើយ៉ាងណាលុបបំបាត់គ្រឿងញៀន លុបបំបាត់ក្មេងទំនើង លុបបំបាត់ល្បែងស៊ីសងខុសច្បាប់ -ល-៕

(សូមអានបន្ត)

អភិបាលរងខេត្តកំពង់ធំ អំពាវនាវប្រជាពលរដ្ឋចូលរួមសម្អាតបរិស្ថានជាប្រចាំ ដើម្បីសុខភាពទាំងអស់គ្នា

(កំពង់ធំ)៖ ថ្លែងក្នុងការប្រារព្ធទិវាទេសចរណ៍ពិភពលោក ក្រោមប្រធានបទ«ការកែប្រែគុណភាពដីរហោស្ថានកម្មនិងភាពធន់នឹងគ្រោះរាំស្ងួត» នៅបរិវេណសួនស្ទឹងសែន ថ្ងៃទី២៧ ខែ មិថុនា ឆ្នាំ២០២៤នេះ ដែលមានអ្នកចូលរួមជាង ១ពាន់នាក់ លោក ញ៉ឹក បានខេង អភិបាលរងខេត្តកំពង់ធំ បានអំពាវនាវប្រជាពលរដ្ឋចូលរួមសម្អាតបរិស្ថានជាប្រចាំ ដើម្បីសុខភាពយើងទាំងអស់គ្នា ។

(សូមអានបន្ត)

រដ្ឋមន្ត្រី ជា វ៉ាន់ដេត ប្រកាសសមាសភាពក្រុមការងាររាជរដ្ឋាភិបាលចុះមូលដ្ឋានស្រុកបុរីជលសា ខេត្តតាកែវ

រដ្ឋមន្ត្រី ជា វ៉ាន់ដេត ប្រកាសសមាសភាពក្រុមការងាររាជរដ្ឋាភិបាលចុះមូលដ្ឋានស្រុកបុរីជលសា ខេត្តតាកែវ (តាកែវ)៖ លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តតាកែវ នាថ្ងៃទី២៦ ខែមិថុនា ឆ្នាំ២០២៤នេះ បានអញ្ជើញប្រកាសសមាសភាពក្រុមការងាររាជរដ្ឋាភិបាលចុះមូលដ្ឋានស្រុកបុរីជលសា ខេត្តតាកែវ។

 ពិធីនេះមានការចូលរួមពីសមាសភាពក្រុមការងាររាជរដ្ឋាភិបាលចុះមូលដ្ឋានខេត្តតាកែវ ប្រធាន អនុប្រធាន សមាជិកក្រុមការងាររាជរដ្ឋាភិបាលចុះមូលដ្ឋាស្រុកបុរីជលសា ព្រមទាំងអាជ្ញាធរពាក់ព័ន្ធគ្រប់លំដាប់ថ្នាក់ សរុបប្រមាណ៣៥០នាក់ នៅសាលាស្រុកបុរីជលសា ខេត្តតាកែវ។ ជាមួយគ្នានេះ លោករដ្ឋមន្ត្រីបានណែនាំដល់ក្រុមការងារទាំងអស់ ត្រូវយកចិត្តទុកដាក់តាមការចាត់តាំងដោះស្រាយតម្រូវការនៅមូលដ្ឋានឱ្យទាន់ពេលវេលា និងមានប្រសិទ្ធភាពខ្ពស់៕

(សូមអានបន្ត)